- გაიგებთ რა არის მინიმალური განხორციელებადი პროდუქტი და რატომ არის ის მნიშვნელოვანი
- შეარჩევთ თქვენი პროექტის ყველაზე მნიშვნელოვან ფუნქციებს, რომლებიც ყველაზე ადრე უნდა ააშენოთ
აქტივობები ამ გაკვეთილისთვის:
MVP
ახლა, როდესაც უკვე შეარჩიეთ იდეა და განიხილეთ პრობლემა, შეიძ₾ება უკვე ფიქრობდეთ მისი ტექნოლოგიური გადაწყვეტის სინამდვილეში მოყვანაზე. მაგრამ მოითმინეთ!დაგეგმვით შეგიძლიათ დაზოგოთ ბევრი დრო.
თქვენი პროექტი უნდა იყოს მინიმალური განხორციელებადი პროდუქტი. მინიმალურიგანხორციელებადი პროდუქტი (MVP)არის პროდუქტი, ამ შემთხვევაში თქვენი აპლიკაცია, რომელსაც აქვს საკმარისი ფუნქციები სამუშაოს შესასრულებლად და შეიძლება შემოწმდეს მომხმარებლებთან, რათა შემდგომში გაუმჯობესდეს.
უმჯობესია შექმნათ პროტოტიპი, რომელიც ერთ ან ორ საქმეს ნამდვილად კარგად აკეთებს, ვიდრე სცადოთ შექმნათ ისეთი რამ, რაც ყველაფერს გააკეთებს.
აი მაგალითად. წარმოიდგინეთ, რომ თქვენი მეგობარი გეუბნებათ, რომ ის ყოველთვის გვიან იღვიძებს და სკოლაში აგვიანებს. თქვენ შექმნით მისთვის აპლიკაციას, რომელსაც აქვს მრავალი მაგარი ფუნქცია.
მარტივად დაიწყეთ! არ გჭირდებათ ყველაფრის დაუყოვნებლივ დაპროგრამება!
ᲞᲠᲘᲝᲠᲘᲢᲔᲢᲘ
გადაწყვეტის შექმნა, რომელიც მხოლოდ ერთ ან ორ რამეს ნამდვილად კარგად ასრულებს, დაგეხმარებათ პრობლემის მოგვარებაში და მომხმარებლების მიერ მოწონებადი პროდუქტის შექმნაში.
თქვენ მხოლოდ რამდენიმე კვირა გაქვთ Technovation Girls -ისთვის პროექტის შესაქმნელად, ამიტომ მნიშვნელოვანია გონივრულად გამოიყენოთ ეს დრო. უნდა მიანიჭოთთქვენი პროექტის სხვადასხვა მახასიათებლებს პრიორიტეტი , რაც ნიშნავს, რომ დაალაგოთ ისინი ყველაზე მნიშვნელოვანიდან ყველაზე
უმნიშვნელომდე.
შემდეგ, ჯერ იმუშავეთ ყველაზე მნიშვნელოვან მახასიათებლებზე. დაამუშავებთ მათ ნამდვილად კარგად და, თუ დრო დაგრჩებათ, დაამატებთ მეტ ფუნქციას. ეს იქნება თქვენი მომავალი ფუნქციები .
ᲠᲝᲛᲔᲚᲘ ᲛᲐᲮᲐᲡᲘᲐᲗᲔᲑᲚᲔᲑᲘᲐ ᲧᲕᲔᲚᲐᲖᲔ ᲛᲜᲘᲨᲕᲜᲔᲚᲝᲕᲐᲜᲘ?
შეიძლება გქონდეთ იმ ფუნქციების გრძელი სია, რომელთა შესრულებაც უნდა შეეძლოს თქვენს აპს.
დაიწყეთ ყველა იმ ფუნქციის ჩამოთვლით, რომელიც გსურთ ჩააშენოთ თქვენს აპლიკაციაში.
ამ ფუნქციებიდან რომელი წყვეტს რეალურად პრობლემას?
რომელი ფუნქციები მოითხოვეს მომხმარებლებმა?
- გადახედეთ თქვენს პრობლემას მე-2 ნაწილიდან.
- გადახედეთ მომხმარებლის კვლევას მე-3 ნაწილიდან.
- სთხოვეთ შეფასება სამიზნე აუდიტორიას.
მენტორის რჩევა
საუკეთესო პრაქტიკა: მინიმალურ განხორციელებად პროდუქტზე ფიქრის საუკეთესო გზა: წარმოიდგინეთ, რომ გსურთ შექმნათ ახალი ტიპის სათამაშო. იმის ნაცვლად, რომ გააკეთო მთელი სათამაშო ყველა თავისი ფუნქციით, ჯერ გააკეთეთ ძირითადი ვერსია. შეამოწმეთ, მოსწონთ თუ არა ის ბავშვებს. ამ ძირითად ვერსიას ეწოდება მინიმალური განხორციელებადი პროდუქტი. ეს დაგეხმარებათ დაინახოთ, არის თუ არა თქვენი იდეა კარგი, სანამ დიდ დროს და ფულს დახარჯავთ ბევრი სათამაშოს დამზადებაში.
თქვენმა გუნდებმა უნდა აირჩიონ თავიანთი გადაწყვეტის 1-2 განმსაზღვრელი მახასიათებელი პლუს ძირითადი კომპონენტები, რომლებიც მას ფუნქციონალურ აპლიკაციად აქცევს. ეს ყველაფერი ერთად ქმნის MVP-ს. აქ მოცემულია კიდევ ერთი ვიდეო, რომელიც ხსნის MVP-ის კონცეფციას.
რჩევა კოდირებისთვის: პირველი ფუნქცია, რომელსაც ააშენებენ გოგონები, უნდა იყოს MVP-ის ერთ-ერთი მახასიათებელი!
კითხვები მოსწავლეებისთვის:
რა არის მინიმალური განხორციელებადი პროდუქტი და როგორ ფიქრობთ, რატომ არის მნიშვნელოვანი მისი შექმნა სრული პროდუქტის დამზადებამდე?
შეგიძლიათ წარმოიდგინოთ პროდუქტი, რომელიც დაიწყო მხოლოდ ძირითადი ვერსიით? როგორ დაეხმარა ეს შემქმნელებს?
როგორ დაგეხმარებათ თქვენი პროექტის მარტივი ვერსიის შექმნა, პირველ რიგში, ხალხის პრეფერენციების გაგებაში?
რა თვისებები განასხვავებს თქვენს გადაწყვეტილებას კონკურენტებისგან და რომელი მახასიათებელი გაუჩენს ხალხს თქვენი პროდუქტის გამოყენების სურვილს?
მენტორის რჩევები მოწოდებულია AmeriCorps-ის მხარდაჭერით.
ᲐᲥᲢᲘᲕᲝᲑᲐ: ᲓᲐᲒᲔᲒᲛᲔᲗ ᲗᲥᲕᲔᲜᲘ MVP
პრიორიტეტი მიანიჭეთ თქვენი აპის ფუნქციების
- მოამზადეთ თქვენი პროექტის მახასიათებლების სია.
- დაყავით დიდი იდეები პატარა ფუნქციებად.
- პრიორიტეტი მიანიჭეთ ამ მახასიათებლებს და ფოკუსირდით თქვენი პროექტის პირველ 2-3 ფუნქციაზე.
რეფლექსია
თქვენი MVP მხოლოდ თქვენი პირველი პროტოტიპია.
თქვენ ყოველთვის შეგიძლიათ ისგააუმჯობესოთ, თუნდაც Technovation Girls სეზონის დასრულების შემდეგ.
ძირითადი ტერმინების მიმოხილვა
- პრიორიტეტიზაცია – იმის გარკვევა თუ რა არის პროდუქტის ყველაზე მნიშვნელოვანი ნაწილები და, შემდეგ, პირველ რიგში მათზე მუშაობა
- მინიმალური განხორციელებადი პროდუქტი (MVP) – პროდუქტი, რომელსაც აქვს საკმარისი ფუნქციები სამუშაოს შესასრულებლად და მომხმარებლებთან შესამოწმებლად, რათა შემდგომში გაუმჯობესდეს
- მომავალი ფუნქციები – ფუნქციები, რომლებიც შეიძლება დაემატოს თქვენი პროდუქტის პირველი პროტოტიპის დასრულების შემდეგ
ᲓᲐᲛᲐᲢᲔᲑᲘᲗᲘ ᲠᲔᲡᲣᲠᲡᲔᲑᲘ
გსურთ მეტი ინფორმაცია MVP-ების შესახებ? შეამოწმეთ ეს შესანიშნავი სტატია adc კალკულატორიდან!
და გაიგეთ, თუ როგორ გადაწყვიტეს Technovation-ის გასულის სეზონის მონაწილეებმა მეგანამ და საანვიმ თავიანთი პროექტისთვის MVP, ქვემოთ მოცემულ ვიდეოში. (გრძელი ვიდეოს 3 წუთიანი კლიპი)
