გაიგებთ რა არის აპლიკაციის პროგრამირების ინტერფეისები (API).
გამოიყენებთ API-ს აპში ინფორმაციის მისაღებად
აქტივობები ამ გაკვეთილისთვის:
API
API ნიშნავს აპლიკაციის პროგრამირების ინტერფეისს .
APIის საშუალებით შეგიძლიათ მიიღოთ ინფორმაცია ვებსაიტიდან ან მონაცემთა ბაზიდან.
მიუხედავად იმისა, რომ cloud ბაზა, როგორც წესი, თქვენს აპში გაზიარებული შიდა ინფორმაციაა, API-ები აპს აძლევს წვდომას გარე ინფორმაციაზე ინტერნეტიდან.
ვთქვათ, ქმნით აპს, რომელიც ეხმარება ადამიანებს ამინდის მიხედვით ტანსაცმლის არჩევაში. შესაძლებელია ბევრი დროის დახარჯვა მოგიწიოთ ამინდის შესახებ მონაცემების მონაცემთა ბაზაში შესანახად, მაგრამ არსებობს მრავალი ვებსაიტი, რომელიც პირდაპირ აჩვენებს ამინდს.
უკეთესი გამოსავალი იქნება უბრალოდ მონაცემების ამოღება ამინდის ვებსაიტიდან და მათი აპლიკაციაში ჩასმა და მომხმარებლებისთვის ჩვენება API-ის გამოყენებით.
ქვემოთ მოცემული ვიდეო კარგავდ ხსნის API-ის მუშაობის პრინციპებს.
API-ს გამოსაყენებლად, თქვენ უნდა:
- მოძებნოთ ვებსაიტი, რომელიც იყენებს API-ებს. აქ მოცემულია საჯარო API-ების სია , რომლებიც ხელმისაწვდომია კონკრეტული თემების მიხედვით.
- წაიკითხოთ მათი დოკუმენტაცია და API-ის გამოყენების ინსტრუქცია. საიტების უმეტესობას მაგალითებიც მოჰყვება.
- ზოგიერთი საიტი მოითხოვს API გასაღებზე დარეგისტრირებას API-ის გამოყენებამდე.
სანამ გამოიყენებთ მათ . გაითვალისწინეთ, რომ ზოგიერთი API-ის გამოყენება უფასო არ არის და ფულის გადახდას საჭიროებს. - შეიტანეთ API კოდი Thunkable-ში .
ᲙᲝᲓᲘᲠᲔᲑᲘᲡ ᲛᲐᲒᲐᲚᲘᲗᲔᲑᲘ
ქვემოთ მოცემულია რამდენიმე გაკვეთილი, რომლებიც Web API-ების Thunkable-ში გამოყენებაში დაგეხმარებათ.
შენიშვნა! აქ ჩამოთვლილ ზოგიერთ გაკვეთილში Web API კომპონენტი ნაჩვენებია დიზაინერის ფანჯარაში. თუმცა,Thunkable-ის მიმდინარე ვერსიაში, იპოვით Web API კომპონენტს Blocks Editor-ში, Advanced-ის ქვეშ.
დააწკაპუნეთ "+"-ზე Web API კომპონენტის დასამატებლად. თქვენ შეგიძლიათ დაამატოთ URL და მოთხოვნის პარამეტრები თვისებების ფანჯარაში ან კოდში. ბლოკების კოდირება იგივე უნდა იყოს.
ვიდეოში მოცემულია ძალიან მარტივი მაგალითი Google Maps API Google Maps აპლიკაციის გასაშვებად, თქვენი საკუთარი აპიდან, რომელიც მიზნად ისახავს კონკრეტული მდებარეობის ჩვენებას Google Maps-ის აპზე გადასვლით.
ᲐᲥᲢᲘᲕᲝᲑᲐ: ᲮᲘᲚᲘᲡ ᲙᲕᲔᲑᲘᲡ ᲐᲞᲚᲘᲙᲐᲪᲘᲐ
ხილის ინფორმაციის ჩვენება API-ს გამოყენებით
- გახსენით საწყისი პროექტი Thunkable-ში.
- გატესტეთ აპლიკაცია, რომ ნახოთ როგორ მუშაობს.
- გააკეთეთ პროექტის ასლი, რათა შეძლოთ მისი რედაქტირება.
- შეამოწმეთ JSON სტრიქონის მაგალითი ქვემოთ, რომ გაიგოთ, როგორ გამოიყურება.
- ამჟამად აპლიკაცია აჩვენებს მხოლოდ კალორიების ინფორმაციას. დაამატეთ მეორე ეტიკეტი CalorieLabel-ის ქვემოთ ერთ-ერთი სხვა კვებითი ღირებულების საჩვენებლად.
მენტორის რჩევა
საუკეთესო პრაქტიკა: სახალისო ფაქტი, რას ნიშნავს json? „JavaScript Object Notation“ (JavaScript-ის ობიექტების ნოტაცია). JSON შეიქმნა 1999 წელს და დღევანდელ დღეს თითქმის ყველა მონაცემი, რომელსაც ვიყენებთ ან ვიღებთ, გარკვეულწილად JSON-ზეა დამოკიდებული. JSON-ის გარეშე თითქმის ყველა ტექნოლოგია, რაც გვაქვს, უსარგებლო იქნებოდა. Cloud სერვისებიდან თითქმის ყველა მონაცემი JSON-ის გამოყენებით გადაიცემა.
კითხვები მოსწავლეებისთვის:
შეგიძლიათ შექმნათ API თქვენსა და თქვენს მეგობრებს შორის?
თუ შენი მეგობარი ამბობს “/hello”, შენ პასუხობ მისალმებით. ეს, ფაქტობრივად, API-ის მაგალითია. ვიღაც ითხოვს რაღაცას (მაგალითად, მისალმებას) და შენ პასუხობ შენი არჩევანის მიხედვით (მაგალითად,
მისალმებით). შესაძლოა, უფრო რთული მაგალითებიც არსებობდეს? /hug, /triviaQuestion, /story, /weekendSummary
მენტორის რჩევები მოწოდებულია AmeriCorps-ის მხარდაჭერით.
ქვემოთ მოცემულია JSON-ის მაგალითი, რომელმაც დააბრუნა პასუხი FruityVice-დან ბანანისთვის.
{ "genus": "Musa",
"name": "Banana",
"id": 1,
"family": "Musaceae",
"order": "Zingiberales",
"nutritions":
{ "carbohydrates": 22,
"protein": 1,
"fat": 0.2,
"calories": 96,
"sugar": 17.2
}
} იმედია წარმატებით დაამატე მეორე კვების ეტიკეტი API ინფორმაციით!
თუ გსურთ იხილოთ შესაძლო გამოსავალი, დააჭირეთ ამ ღილაკს.
რეფლექსია
API-ების აპლიკაციაში გამოყენება შეიძლება ძალიან ძლიერი ინსტრუმენტი იყოს , მაგრამ მისი ჩაშენება ადვილი არ არის!
აუცილებელია, დრო დაუთმოთ API დოკუმენტაციის კითხვას საჭირო ინფორმაციის მისაღებად.
ძირითადი ტერმინების მიმოხილვა
- აპლიკაციის პროგრამირების ინტერფეისი (API) – გზა, რომლის საშუალებითაც შეგიძლიათ მიიღოთ ინფორმაცია სხვა ვებსაიტიდან ან მონაცემთა ბაზიდან თქვენს აპლიკაციაში გამოსაყენებლად
ᲓᲐᲛᲐᲢᲔᲑᲘᲗᲘ ᲠᲔᲡᲣᲠᲡᲔᲑᲘ
