პრობლემების იდენტიფიცირება

საუკეთესო პრაქტიკა: პრობლემების იდენტიფიცირებისას, დაიწყეთ ისეთი სიტუაციების წარმოდგენით, რომლებიც ყოველდღიურად გვხვდება. მაგალითად, „წარმოიდგინეთ, ცდილობთ გამოიყენოთ თქვენი საყვარელი აპლიკაცია, მაგრამ ის მუდმივად იჭედება. პრობლემის იდენტიფიცირება მისი გადაჭრის პირველი ნაბიჯია.“ ეს ეხმარება სტუდენტებს გააცნობიერონ პრობლემის იდენტიფიცირების მნიშვნელობა იმ კონტექსტში, რომელიც მათთვის ნაცნობია. 

დისკუსიისას, ჩვეულებრივია, რომ გუნდები პრობლემების გადაჭრის გზებსა  და თავად პრობლემებზე საუბრობენ. მენტორის როლში, მნიშვნელოვანია თქვენი გუნდები  გადაჭრის სიჩქარეს არ აჰყვნენ და შემოგთავაზონ გადაწყვეტილებები მანამდე, სანამ პრობლემას ბოლომდე გაიგებენ.

გადაწყვეტილების ცალკე სიაში ჩამოწერა გუნდს საშუალებას აძლევს შემდგომში მოიხმაროს ეს სია, მაგრამ ყოველთვის უნდა მოაბრუნოთ ისინი პრობლემაზე ფიქრისკენ. მაგალითად: „ეს კარგი იდეაა გადაჭრისთვის, დავწეროთ ის გადაწყვეტილებების სიაში. მოდით, გავაგრძელოთ იმაზე ფიქრი, რა პრობლემებს შეიძლება ვაწყდებოდეთ და რა შეიძლება იწვევდეს მათ.“

პრობლემებზე ფიქრის და მათი გააზრების პროცესს ნუ იჩქარებთ. შეკითხვა „რატომ?“ დაგეხმარებათ პრობლემის ძირეულ მიზეზთან მიახლოებაში, რაც საბოლოოდ ის არის, რის მოგვარებაც გსურთ. 

ეს ვიდეოები დაეხმარება სტუდენტებს ისწავლონ, როგორ ამოიცნონ პრობლემები სხვადასხვა კონტექსტში და განავითარონ ეს უნარები როგორც ყოველდღიურ გამოცდილებებში, ისე კოდის შექმნის პროექტებში.

1. პრობლემების გადაჭრა
2. როგორ ამოვიცნოთ პრობლემები უკეთესად - დიზაინური აზროვნება (Design Thinking)

გაამხნევეთ გუდნები, რომ ჩამოწერონ ყველა იდეა გადასაჭრელ პრობლემებზე ფიქრისას. იდეების ამ არქივის არსებობა დაგეხმარებათ ერთ-ერთ კონკრეტულ იდეაზე ყურადღების გადატანაში. 

კითხვები მოსწავლეებისთვის: 

შეგიძლიათ მოიფიქროთ დრო, როდესაც ვერ შეძელით დავალების შესრულება? რა გააკეთე ამის გამოსასწორებლად?

შეგიძლიათ იფიქროთ თქვენი საზოგადოების ხალხის პრობლემებზე?

როგორ ფიქრობთ, რატომ არის მნიშვნელოვანი პრობლემის იდენტიფიცირება მის გადაჭრამდე?

როგორ შეგიძლიათ გამოიყენოთ ის, რაც ისწავლეთ კოდირების დროს, რეალური პრობლემების გადასაჭრელად?